<Mercedes máis eu> é un traballo de colaboración entre a artista Janet Novás e a compositora Mercedes Peón no que ambas exploran as relacións particulares que existen e se establecen entre “a súa danza e a súa música”. Entre instrumentos, recordos, cancións e bailes afloran conceptos, algúns deles de gran contido socio-político, outros, conceptos somáticos ou experiencias cuánticas que aparecen nos pulsos, os ritmos e os tons, nas voces e nas dinámicas, nos silencios, nas formas.

Para definir <Mercedes máis eu> é inevitable falar de desexo. Ese desexo que atopa razóns para proxectarse máis aló do primeiro encontro, e devir re-encontro, conversación, experiencia, afecto... <Mercedes mais eu> mira cara ao colectivo e faino dende perspectivas e sensibilidades nada arquetípicas. O traballo é ademais unha proposta sutil sobre o común sensible e unha aposta polo facer/saber artístico. A peza, en feminino, é un híbrido dancístico-musical infestado de imaxes evocadoras e seccionada por cadros, o que lle permite habitar en diferentes arquitecturas ou marcos, desde contextos máis escénicos a outros máis instalativos ou museísticos.

A enorme traxectoria de ambas as dúas artistas e a honestidade á que nos teñen acostumados nas súas creacións independentes como autoras anticipan a inmensa oportunidade que temos de velas xuntas en acción.

​

www.janetnovas.com

>>>>>>>>>>>>>>>>> JANET NOVÁS >>>>>>>> MERCEDES MÁIS EU

​

> Práctica de movemento "Corpo e voz"

 o venres 10 de maio no escenario do teatro!

​

> Coloquio post-función coas integrantes da compañía

ao remate da función!

SÁBADO 11 DE MAIO ÁS 20.30 H

NO TEATRO ROSALÍA DE CASTRO

> compra a túa entrada

creación e interpretación >> MERCEDES PEÓN & JANET NOVÁS  I  dirección >> JANET NOVÁS  I  acompañamento artístico >> RICARDO SANTANA & PABLO ESBERT  I  composición musical, concepto e letras >> MERCEDES PEÓN  I  asistencia no movemento >> VICTORIA P. MIRANDA  I  deseño de iluminación >> CRISTINA BOLÍVAR  I  son >> EZEQUIEL OROL  I  produción e distribución >> ADRIANA REYES

coprodución >> COMUNIDAD DE MADRID