It’s a wrap. Acabouse. Isto é o fin. 

 

Tomando como inspiración a obra 6 personaxes en busca de autor de Pirandello, <It’s a wrap (Kubrick is dead)> reflexiona sobre o concepto do vacío e a incertidume entre os finais e os novos comezos. A compañía de danza La Intrusa, envólvenos nun universo de ficción cinematográfica no que os personaxes máis míticos de Kubrick descobren o falecemento do seu creador. Neste mundo ficcional, cada personaxe terá que trazar un camiño propio cara o seu destino. 

 

A peza trasládanos ao set dunha rodaxe audiovisual que contextualiza a acción escénica. Con 6 marabillosos intérpretes, a compañía utiliza unha linguaxe poética e visual, onde se combinan os elementos escenógraficos, os corpos e a voz.

 

Con presencia nacional e internacional, a compañía dirixida por Virginia García e Damián Muñoz cumpre 25 anos de camiño na creación contemporánea, con múltiples recoñecementos, entre eles o Premio Nacional de Danza en 2015. Combinan as creacións propias con encargos coreográficos, colaboracións teatrais e audiviovisuais.