O coreógrafo israelí, Sharon Fridman, presenta <Dosis de paraíso>, a súa nova creación en co-produción co Auditorio de Tenerife. O espectáculo fai una forte aposta pola combinación da danza coas novas tecnoloxías, incorporando a iluminación, o audiovisual e o espazo sonoro, como parte imprescindible da dramaturxia. 

 

<Dosis de paraíso> fala do amor entre dúas personas, da permanencia e da evolución das relacións humanas. O coreógrafo aposta pola repetición como recurso escénico, pola combinación do movemento coa iluminación e os medios audiovisuais para crear novos espazos subxectivos e emocionais que suxiran alteracións temporais. 

 

Sharon Fridman desenvolve traballo de creación para a súa compañía e como coreógrafo convidado con outros colectivos. Todas as súas creacións traballan a base técnica INA, unha linguaxe corporal propia, centrada na relación entre a gravidade e o equilibrio. 

 

Afincado en Madrid dende o ano 2006, Sharon Fridman conta cunha sólida e recoñecida traxectoria tanto a nivel nacional coma internacional, con numerosos galardóns como o premio Max a Mellor Espectáculo por Free Fall en 2015 e o premio Max a Mellor Coreografía por Erritu en 2019.