As <Emigrantas> é unha danza sobre a última diáspora galega. Esther Latorre e David Loira bailan a experiencia emigrante da última xeración. Partimos dun dato contundente: na última década 47.105 persoas entre os 20 e os 39 anos abandonaron Galicia na procura de contextos laborais máis favorables.

Pensamos que a emigración atravesa tamén a nosa identidade actual e queremos bailala para comprendela. Imos bailar a emigración con estatísticas, poemas, tecela de vivencias, memorias e esperanzas cun obxectivo: coñecer o que sucede coa emigración galega do século XXI e si, esta vez, imos contar a última diáspora bailando.

Kirenia Danza é unha compañía galega de danza, fundada en 2019 por Kirenia Martínez Acosta, coreógrafa, bailarina e actriz, quen codirixe paralelamente a Cía. Entremáns desde 2006.

É unha compañía de creación artística contemporánea que crea, dirixe, distribúe e produce proxectos escénicos. Actualmente combina as creacións propias con encargos coreográficos, colaboracións teatrais e literarias, proxectos formativos e de cooperación europea con outras entidades no nivel internacional e desenvolve outras seis propostas coreográficas.

>>>>>>>>>>>>>> KIRENIA DANZA >>>>>>>>>>>>>>> EMIGRANTAS 

dirección e coreografía >> KIRENIA MARTÍNEZ  I  en escena >> DAVID LOIRA & ESTHER LATORRE  I  texto >> BRANCA NOVONEYRA  I  vestiario >> JANDRO VILLA  I  espazo sonoro >> BABYKATZE & BRUNO BAW  I  produción >> LUCILA CAMPOS  I  servizo técnico >> RTA (DIEGO VILAR)  I  deseño gráfico >> NICO ALVARELLOS  I  fotografía >> BRUNO BAW

EMIGRANTAS
SÁBADO 18 DE SETEMBRO ÁS 20.30 H
NO TEATRO ROSALÍA DE CASTRO
> compra a túa entrada