A continuidade como temática, <El resistente y delicado hilo musical> é un espectáculo que comeza coma un latido que non deixa de latexar ata que se apagan os focos. Esta peza de Amalia Fernández fusiona todos os oficios que ela desexaría ser: cantante, científica, estilista, mística, matemática e, finalmente, espectadora. 

A bailarina e creadora Amalia Fernández, presenta un traballo fiado por unha linguaxe universal que consegue romper a barreira coa audiencia e facelos partícipes desta dinámica experiencia. Con cinco intérpretes sobre o escenario, o fío musical é contínuo, transita por partituras de movemento corais, perfomativas e teatrais con coreografías extremadamente precisas que compoñen un fío musical que podería ser eterno. 

Amalia Fernández é artista escénica, profesora e intérprete. Desenvolve gran parte da súa traxectoria profesional coa Cia. El Bailadero-Mónica Valenciano, formando parte da compañía durante 10 anos. En 2005 decide formar a súa propia compañía dende a que crear espectáculos baixo a súa visión propia. Tamén colabora con outros artistas e compañías na figura de intérprete, coach ou coreógrafa. Combina o seu traballo creativo coa docencia en diversas institucións.