PROGRAMA ACCIÓNS EXPANDIDAS 2020

XOVES 18 DE XUÑO

 

ARTISTAS NA CASA

ÁNXELA BLANCO +

JAVIER MARTÍN + CRISTINA BALBOA

VENRES 19 DE XUÑO

 

COMPOÑER

UN TEMAZO

CRISTINA BALBOA

LUNS 22 DE XUÑO

 

MATERIA E

CAMBIO

PAULA PIN + JOAQUÍN JARA

XOVES 25 DE XUÑO

MIRADAS

PERIFÉRICAS

JAVIER MARTÍN

VENRES 26 DE XUÑO

 

BIO-TRANS-LAB

PAULA PIN

VENRES 26 DE XUÑO

MIRADAS

PERIFÉRICAS

NURIA SOTELO

SÁBADO 27 DE XUÑO

 

POSPANDEMIA. REINVENTAR

O PRESENTE

CRISTINA BALBOA

SÁBADO 27 DE XUÑO

 

MIRADAS

PERIFÉRICAS

ALEXIS FERNÁNDEZ

MÉRCORES 30 SETEMBRO

 

CENTROS DRAMÁTICOS ABERTOS Á DANZA

SÁBADO

10 SETEMBRO

 

HEAVENLY DANCE

BÁRBARA SÁNCHEZ

>>

 

MÁIS ACCIÓNS

PROXIMAMENTE

Reunimos neste encontro online ás tres artistas que forman parte do programa para falar dos procesos e investigacións detrás das obras que veremos nas táboas do noso teatro no festival de primavera. Ademais de conversar sobre o particular e o transversal das súas prácticas artísticas, este encontro plantéase tamén como un espazo para coñecer as reflexións que o actual estado de crise sanitaria trouxo ás nosas vidas, tanto no plano da relación entre os corpos coma no lugar que ocupa na sociedade a comunidade cultural, da que formamos parte.

> xoves 18 de xuño ás 17 horas a través das nosas redes
 

 

Cristina Balboa parte da premisa de que compoñer música é super fácil. Aínda que non saibas tocar un instrumento ou ler unha partitura de solfeo, só precisas unha aplicación e uns cantos tutoriais do Youtube. Nesta aproximación á composición de música electrónica con garage band a artista escénica galega indagará sobre a matemática, o erro e as coincidencias afortunadas para xerar un tema con punch. O único que non poderá ensinar é o estilo, iso dependerá das vosas querencias musicais e do alimento sonoro que guiará a vosa intuición, confiando naquelo de que sentarse frente á maquina e botar unhas cantas horas sempre fai saír algo. Como ela mesma afirma en <O que segue>, non hai satisfacción maior que escoitar un temazo da vosa propia autoría.

> venres 19 de xuño ás 17 horas a través das nosas redes
 

 

Xuntamos neste encontro online a dúas persoas acostumadas a colaborar dende a materia nos procesos de artes vivas, para falar dos pontes entre a escultura, a tecnoloxía e a danza. Por unha banda, a investigadora, artista e biohacker galega Paula Pin, cunha investigación experimental situada na intersección entre bioloxía, ciencia e prácticas Queer. Pola outra banda, o escultor ambientalista catalán Joaquín Jara que centra a súa obra na relación antropolóxica coa natureza e o paso do tempo e nos conceptos de descubrimento, desaparición e aparición.

> luns 22 de xuño ás 17 horas a través das nosas redes
 

 

CONVOCATORIA PECHADA

INSCRÍBETE AQUÍ

Como antesala ás tres funcións do festival de primavera lanzamos un programa de prácticas de movemento con distintos artistas para preparar o corpo que se senta na butaca. Na procura dese corpo atento, que se deixa afectar e se volve vulnerable na súa condición de espectador, cada artista conducirá a súa sesión de movemento dun modo distinto –propio da súa práctica artística– pero coa mesma intención compartida, a de afondar na percepción sensorial e a mirada periférica que contempla tanto o que está dentro como fóra de foco. Tal e como di Marina Garcés, “liberar a visión pasaría por deixar que os ollos caian de novo no corpo”.

 

As prácticas estarán conducidas por Javier Martín, Nuria Sotelo e Alexis Fernández no Teatro Colón favorecendo o tránsito da práctica á función no Teatro Rosalía de Castro pola proximidade de ambos teatros.

> xoves 25, venres 26 e sábado 27 de xuño de 19 a 20.30 horas no Teatro Colón da Coruña.

> actividades dirixidas a todas as persoas interesadas sen necesidade de coñecementos previos.

> as tres prácticas son gratuítas con prazas limitadas.

 

CONVOCATORIA PECHADA

INSCRÍBETE AQUÍ

Da man da investigadora, artista e biohacker Paula Pin, este laboratorio propón un hackeo á ciencia de cara a unha nova narrativa transfeminista. Baseado no concepto de aprender facendo, o laboratorio busca a apertura dun espazo-tempo particular, un lugar para a confluencia de cyberbruxas e alquimistas. Como fío conductor da práctica está a construción dun microscopio a partir dun sinxelo hack (modificación) nunha webcam. A mesma tecnoloxía na que se centrou a colaboración da artista no proceso de creación <Thesaurus> de Ánxela Blanco. Unha aproximación ao marabilloso mundo da microscopía e da experimentación coas células, fluídos e microorganismos do ecosistema “corpo”.

> venres 26 de xuño de 17 a 19 horas no Teatro Colón

 

> dirixido a todas as persoas interesadas na tecnoloxía, as prácticas Queer e a creación contemporánea.

 

> o laboratorio é gratuíto con prazas limitadas

 

CONVOCATORIA PECHADA

INSCRÍBETE AQUÍ

Un xogo de autoficción baseado na resurección da Ave Fénix, unha práctica de reinvención total, unha queima cósmica de cousas chungas e reproches da memoria, un novo nacemento ou un rexurdir dende as cinzas para construír un presente máis amable onde cuidar a esperanza de novo, coma se fose unha damisela en apuros, son as chaves da proposta de Cristina Balboa para esta práctica que pretende reinventar o presente.

 

A autoficción é unha técnica de escritura que pule o brutal, o inhóspito e a crudeza vital. Como artista escénica, Cristina Balboa escribe sobre a dor da súa vida a través do humor, abusando da ironía e os paradoxos. Con rotundidade afirma que na postpandemia o único que importa é resistir as fases do porvir e que nesa resistencia debemos atopar unha nova ficción que reconstrúa os eslabóns perdidos da memoria, na creación dunha nova identidade, máis libre e máis vital. O que sería o post eu.

> sábado 27 de xuño de 17 a 19 horas no Teatro Colón

 

> a práctica está dirixida a todas as persoas interesadas na escritura e na creación contemporánea.

 

> a práctica é gratuíta con prazas limitadas
 

 

Este encontro online xunta a tres directoras de escena e coreógrafas para falar da apertura á danza que comezamos a ver nalgunhas institucións, non especializadas, creadas para dar soporte e visibilidade ás artes escénicas en xeral. Por unha banda, a experiencia de Luz Arcas en <Una gran emoción política>, producida polo Centro Dramático Nacional, e pola outra banda, Belén Bouzas e Diego M. Buceta, da compañía de danza galega Pálido Domingo, e que xunto a Fran Martínez codirixirán unha peza no Centro Dramático Galego proximamente.

> mércores 30 de setembro ás 17 horas a través das nosas redes
 

 

CONVOCATORIA ABERTA

INSCRÍBETE AQUÍ

<Heavenly dance> é unha práctica que explora o baile total, é dicir, ese estado no que os nosos corpos se entregan completamente ao baile facendo que o movemento se expanda e afecte a todas e cada unha das capas do ser. Do que se trata é de bailar con todo, de entregarse a un tempo absoluto. A partir da axitación do noso corpo físico espertarán e ser porán en funcionamento outros corpos, máis sutís, como o etéreo, o emocional ou o intuitivo. A música bacalao será o motor a gurú <Mystic Bacala> a que te acompañe nesta tentativa de baile definitivo.

> sábado 10 de setembro de 11 a 13 horas no Centro Ágora.

> a práctica está dirixida a todas a calquera persoa que se sinta chamada pola proposta. 

> a práctica é gratuíta con prazas limitadas.

 

programación expandida TRCDanza 2020  I  Teatro Rosalía de Castro  I  A Coruña 

  • Facebook - círculo blanco
  • Blanco Icono de Instagram