<Bailar agora> achéganos á parte mais emocional e relacional da danza. Unha pequena historia da danza contada de forma autobiógrafica. A peza fai un retrato da danza como símbolo de liberación e conexión en momentos de incerteza. Bailar hoxe, <Bailar agora>, para conectarnos co presente que habitamos. 

A artista multidisciplinar Marta Alonso Tejada, acompañada por Victoria P. Miranda e Pablo Reboleiro no proceso de creación e por Laura Iturralde na iluminación, transita por vivencias persoais, na búsqueda dunha linguaxe propia que mistura a danza contemporánea, a danza clásica e o humor. 

Marta Alonso Tejada é artista multidiscipliar, a danza, o teatro ou o circo son algunhas das linguaxes que acompañan a súa traxectoria. En 2008 funda a Cía Traspediante da man de Paula Quintas e Begoña Cuquejo e no ano 2010, as tres creadoras presentan o Festival de danza e artes do movemento Corpo (a) terra. <Bailar agora> é o primeiro espectáculo en solitario para teatros de Marta Alonso, unha coprodución co Centro Coreográfico Galego, Agadic.