Un ano máis a nosa cita con Residencias Paraíso danos a oportunidade de achegarnos á unha nova investigación artística construída no marco do programa de residencias artísticas de Colectivo RPM, que conta coa colaboración dende 2017 do Teatro Rosalía de Castro.
Nesta ocasión, as portas do teatro ábrense para acoller o proceso de creación de <Mano Dura>, un proxecto en colaboración entre a bailarina e creadora galega Cris Vilariño e o dramaturgo andaluz Alberto Cortés. <Mano Dura> fala das crises familiares e dos modelos de educación a partir do proceso educativo particular de Cris e os seus dous fillos adolescentes, Lola e Nuno.
Unha oportunidade para achegarnos a unha investigación en proceso e coñecer máis a fondo este interesante proxecto.
