Rodeada dunha equipa de artistas multidisciplinar estrea a creadora e bailarina galega Ánxela Blanco a súa nova creación <Thesaurus> para afondar na palabra e as texturas que compoñen o corpo.

Un tesauro é un vocabulario estruturado. Unha lista de palabras ou termos controlados empregados para representar conceptos. Do latín thesaurus (tesouro), á súa vez do grego thesauros (almacen, tesourería). Eiquí serán fragmentos da paisaxe do corpo, texturas sonoras, e cualidades de movemento coma descriptores abstractos. Invernos, veráns invencibles, sementes ou o fiar da urda tecnolóxica. Todo aquilo que resulta de intentar reconstruir un tesauro do corpo dende o corpo.